Android 4.2 Tablet များတွင် Multiple User Account များကို အသုံးပြုနည်း

Android 4.2 Tablet များတွင် Multiple User Account များကို အသုံးပြုနည်း
====================================================

Android 4.2 ထည့်သွင်းထားတဲ့ Tablet များမှာ Multiple User Accounts များကို အသုံးပြုနိုင်ပါတယ်။ အဲဒီ စွမ်းဆောင်ချက်ဟာ ပီစီများမှာလိုပဲ အကောင့်တစ်ခုစီမှာ သူ့ကိုယ်ပိုင် Apps, Settings နဲ့ အခြားဒေတာများကို သီးခြားစီ သိမ်းဆည်းထားတာ ဖြစ်ပါတယ်။ တက်ဘလက်ကို နှစ်ယောက်မျှသုံးနေသူများ အတွက်တော့ အလွန်ကောင်းတဲ့ စွမ်းဆောင်ချက်ဖြစ်ပါတယ်။ Google Account ကို အသုံးပြုပြီး တက်ဘလက်ကို မျှဝေသုံးစွဲနိုင်ပါတယ်။

Multiple User Account ဟာ Android 4.2 ထည့်သွင်းထားတဲ့ တက်ဘလက်များမှာသာ အလုပ်လုပ်တာ ဖြစ်ပြီး စမတ်ဖုန်းများမှာတော့ အလုပ်မလုပ်တာကို မှတ်သားထားပါ။

Android 4.2 မှာ Multiple User Account များကို ပြုလုပ်ခြင်း။
-------------------------------------------------------------------
ဒီလိုလုပ်ဖို့အတွက် Android Tablet ရဲ့ Settings ထဲသွားပြီး Device ကဏ္ဍမှ Users ကိုနှိပ်ပါ။ အဲဒီ Option ကိုမတွေ့ရင်တော့ သင့်ရဲ့ တက်ဘလက်ဟာ Android 4.2 နဲ့ သူ့အထက်မှာ မရှိလို့ ဖြစ်ပါတယ်။

ထိပ်မှ Add User ခလုတ်ကို နှိပ်ပြီး အကောင့်တစ်ခု ပြုလုပ်ပါ။

တက်ဘလက်ကို ပထမဆုံး အသုံးပြုသူကို ပိုင်ရှင် အဖြစ် သတ်မှတ်ထားတာကို တွေ့ရမှာပါ။ အဲဒီလူဟာ အခြား အကောင့်များကို ဖျက်ပစ်နိုင်တဲ့ အခွင့်အရေး ရှိပါတယ်။ အခြား အကောင့် ပိုင်ရှင်များကတော့ သူတို့ အကောင့်ကိုသာ ဖျက်သိမ်းနိုင်ပါတယ်။

နောက်အဆင့်မှာတော့ User Accounts နဲ့ ပတ်သက်တဲ့ သတင်းအချက်အလက်ကို အသိပေးပြသမှာ ဖြစ်ပါတယ်။ ပြီးရင်တော့ အကောင့်ပိုင်ရှင်ရဲ့ Google Account ကိုထည့်သွင်းပြီး လွယ်ကူစွာ အကောင့်တစ်ခု ပြုလုပ်နိုင်ပါတယ်။

Multiple User Accounts များကို အသုံးပြုခြင်း။
---------------------------------------------------
အကောင့်များကို တက်ဘလက်မှာ ထည့်သွင်းပြီးပြီဆိုရင် Lock Screen ရဲ့ အောက်ခြေမှ အကောင့် အိုင်ကွန်များကို နှိပ်ခြင်းဖြင့် သက်ဆိုင်ရာ အကောင့်ကို ၀င်ရောက်နိုင်ပါတယ်။ အကောင့်များကို PIN , Password ဖြင့် ကာကွယ်ထားနိုင်ပါတယ်။ အဲဒီအတွက် အခြားလူများက သင့်အကောင့်ကို ၀င်ရောက်နိုင်မှာ မဟုတ်ပါဘူး။

အကောင့်ကနေ Log Out လုပ်ဖို့အတွက် တက်ဘလက်ကို Lock ပြုလုပ်ရမှာ ဖြစ်ပါတယ်။

တစ်ကြိမ်မှာ အကောင့်သုံးခုသာ တစ်ပြိုင်နက် ၀င်ရောက် အသုံးပြုနိုင်ပြီး အဲဒီအကောင့်သုံးခုရဲ့ ဒေတာများကိုသာ နောက်ကွယ်မှာ Sync ပြုလုပ်ပေးနေမှာပါ။ အကောင့်လေးခု ထည့်သွင်းထားရင်တော့ အသုံးမပြုတာ အကြာဆုံး ဖြစ်နေတဲ့ အကောင့်ကို Log Out လုပ်ပေးမှာပါ။

Android 4.2 မရှိသူများ အတွက်
-----------------------------------
သင့်မှာ Android 4.1 နဲ့ အရင် ဗားရှင်းအဟောင်းများသာ ရှိရင်လည်း Multiple User Account ကို အသုံးပြုနိုင်ပါသေးတယ်။ ဒါပေမယ့် ပြဿနာ အနည်းငယ် ရှိနေပါတယ်။
• Android 4.1 မှာ ဖွက်ထားတဲ့ Multiple User Account စွမ်းဆောင်ချက် ပါရှိပြီး Root ပြုလုပ်ပြီး အဲဒီစွမ်းဆောင်ချက်ကို အသုံးပြုနိုင်ပါတယ်။ ဒီနည်းလမ်းကိုတော့ အကြံမပြုပါဘူး။ ဘာလို့လည်း ဆိုတော့ Google က Android 4.1 မှာ အဲဒီ စွမ်းဆောင်ချက်ကို ဖွက်ထားတာဟာ ရည်ရွယ်ချက်ရှိပြီး ပြဿနာများ ရှိနေလို့ပါလို့ ပြောပါတယ်။

• SwitchMe ဆိုတဲ့ App က Android 2.1 နဲ့ သူ့အထက်က Device တိုင်းမှာ Multiple User Account ကို အသုံးပြုနိုင်အောင် ပြုလုပ်ပေးနိုင်ပါတယ်။ SwitchMe ကို အသုံးပြုဖို့ သင့်ရဲ့ Device ကို Root လုပ်ထားဖို့ လိုပါတယ်။ အဲဒီ App မှာလည်း ပြဿနာများ ရှိနေပါတယ်။ SwitchMe ဟာ Android စနစ်ကို Hack လုပ်ထားတာ ဖြစ်လို့ ပြဿနာများ ရှိနိုင်ပါတယ်။ အသုံးပြုရတာလည်း ချောမွေ့မှုမရှိဘဲ အသုံးပြုသူများရဲ့ မှတ်ချက်များအရ အကောင့်များကို ပြောင်းလဲတိုင်း Reboot ဖြစ်သွားတယ်လို့ ပြောပါတယ်။
အပေါ်မှာ ဖော်ပြထားတဲ့ နည်းလမ်းနှစ်ခုစလုံးကို အသုံးပြုဖို့ အကြံမပေးချင်ပါဘူး။ သင့်ရဲ့ တက်ဘလက်ဟာ Android 4.1 နဲ့ ဗားရှင်း အဟောင်းများကို အသုံးပြုထားတယ်ဆိုိရင် Cyanogenmod လို Custom ROM များကို အသုံးပြုပါ။ Cyanogenmod မှာ Multiple User Account စွမ်းဆောင်ချက် ပါရှိပါတယ်။

www.yyaitvilla.blogspot.com